壹級日本料理 (已結業)

通常食日本野會食放題好似抵啲 但有時有啲野放題冇得食 同埋放題嘅水準冇餐廳咁高 而呢間壹級日本料理係我唔想食太飽但又想食日本野就會黎食今次叫左好多嘢食都好想推介 首先係呢個手羽雞翼 裏面係有少少辣嘅明太子 雞翼係去左骨 我本身又鍾意食明太子又鍾意食辣 所以大愛呢個手羽雞翼 好特別另外想介紹就係個鰻魚炒飯 通常炒飯自然將啲食材整到好細粒然後偷工減料 但呢個飯竟然啲鰻魚好大粒 而且好新鮮又唔會有骨 推介呀而最想打包翻屋企食就係呢個鱈魚干 好脆好香口 好似薯片咁 食唔停 如果我住附近就好啦其他食物都好好食而呢度樓底好高 坐得好舒服 staff都好好人 最後仲請我地食雪糕糯米糍 又一個好滿足嘅一晚