泰糯米 (已結業)

已經幫襯過呢一間泰式糕點店好幾次，因為覺得老闆娘嘅態度好親切，食物質素又OK （我淨係幫襯過店家買千層椰汁糕，而芒果糯米飯等等嘅其他食物係未試過嘅。 我哋第二次返轉頭幫襯嘅時候，老闆娘認得我哋，仲同我講：咁快又食晒返嚟幫襯我哋啦不過近來幫襯已經覺得椰汁糕冇鋪頭新開張嘅時候咁好味柔軟。千層椰汁糕的確係有椰汁嘅香味，但係食落口並冇椰子嘅味道；仍然做到層次分明嘅口感，不過糕點柔軟度減低左（但未至於膠嘅）希望好快會再食得返舖頭新開張嗰時又香又軟嘅千層椰汁糕啦