明將迴轉壽司餐廳 (已結業)

對上一次黎都好耐之前,今日黎食tea簡直係不知所謂!!!我地坐卡位,冇杯,佢又唔比杯黎,叫到佢埋黎就唔該斟埋茶先走啦!o個陣又唔係多人,竟然等左十世先送到d野黎!仲唔醒水問埋我地飲咩..三人都係叫拉麵套餐,點知d魚蛋竟然係螢光粉紅色.......(同平時d魚蛋o既色調轉..白色做中間..)其實d豬骨湯底都唔錯,豆腐又幾滑,但係d菜好污糟...我個炸蟹鉗都ok,但朋友個鮑片拉麵d鮑片唔係鮑片黎,係魷魚黎(朋友話),不過都幾好食喎.我杯檸檬茶同朋友o既檸蜜都有d怪味..杯野出奇地多冰..覺得部份怪味係冰到黎..值得注意o既係劣等服務!除左以上所講濕碎野之外,班人竟然經常o係走廊推車仔!!上面有時係一大桶清潔完o既水同清洗用具,再唔係就係一大堆黑色垃圾袋!!高度高過我地張台少少!試想像o係條咁窄o既通道推住呢d野走係咩光境?!d垃圾袋直頭係揩住我張台黎行!!呢個情況至少出現在五六次!!d waitress托野走時竟然一路行一路成壺水瀉哂落地!咁都不特止,我同朋友飲梗野時竟有waitress行埋黎,叫我朋友出一出黎,然後打開佢張凳,o係入面拎野出黎.....!!以上舉動同食物無一不為人所震驚.