堤岸越南餐廳 (已結業)

又再光顧另一間新嘅越南菜館...二十六大洋一個set lunch，有飯連飲品，唔算太貴嘞...大部份都係大路款式--- 咖喱雞、茄汁牛腩、雞翼...見有個叫做豬扒皮絲，頗特別，就叫嚟一試...皮絲原來係以切條肉絲伴上一D質感類似粉絲嘅東西。咬一下，係凍食嘅。有淡淡嘅麻油味，肉絲有點點肥肉，不錯，"粉絲"口感有D偏硬，幾特別...豬扒雖然係雪藏貨，但口感都不算太死硬，應該係略有鎚鬆過，但卻醃得冇嚟味道，大煞風景...最討厭嘅係碟飯又係加咗一大pat唔鹹唔淡嘅豉油同埋葱茸。實際上只要豬扒醃得夠味，香茅味夠足，再加上越式魚露，已經好好味。又何必整色整水，落埋D九唔搭八嘅汁料呢?共勉之....