影片
更多
2008-12-05
24 浏览
今日龍哥請食飯啊~~~!! (隨便坐~ 飲d咩酒呢？...oh, 可惜冇叫竹葉青!!!)本來大家想去吃金滿庭的，不過龍哥 (即我們這班小鬼對老闆的"尊稱") 既然想食buffet, 就殺上 cafe one開lunch了。環境都算ok，唔多嘈，我們座的位置附近唔多人，恐怕係俾我地呢班嘩鬼嚇走咁d。 好！太公食得好有次序的，第一盤係魚生+sushi。sushi整定的，見有好多卷物，sushi只有三文魚吞拿魚等大路選擇，我只吃了吞拿魚；吞拿魚都算好味 (但注意唔係勁好味果種)，但始終整定的，飯唔暖，唔夠高興。魚生都係得四樣：三文魚、"魚立"魚(冇記錯？)、吞拿魚同八爪魚，叫師傅切俾你 (不過我估佢都幾得閒，好多時都切定左)；我只吃了三文魚和"魚立"魚，都好鮮甜，中上之選。第二盤食salad！正！有好多生菜呀~~不過可惜冇rocket。但其他salad選擇都幾多，pasta, potato, 連蛋沙律都有！凍肉都有唔少，鐘意煙三文魚的我當然主攻煙三文魚~~ 三文魚鮮味略淡，但都算幾好味。之後開始熱食啦！我係一次攞少少，出去好多次的人。佢d點心一般，個蝦餃個皮做得好差，一夾即爛，用既蝦唔算特
本來大家想去吃金滿庭的，不過龍哥 (即我們這班小鬼對老闆的"尊稱") 既然想食buffet, 就殺上 cafe one開lunch了。
環境都算ok，唔多嘈，我們座的位置附近唔多人，恐怕係俾我地呢班嘩鬼嚇走咁d。
好！太公食得好有次序的，第一盤係魚生+sushi。sushi整定的，見有好多卷物，sushi只有三文魚吞拿魚等大路選擇，我只吃了吞拿魚；吞拿魚都算好味 (但注意唔係勁好味果種)，但始終整定的，飯唔暖，唔夠高興。魚生都係得四樣：三文魚、"魚立"魚(冇記錯？)、吞拿魚同八爪魚，叫師傅切俾你 (不過我估佢都幾得閒，好多時都切定左)；我只吃了三文魚和"魚立"魚，都好鮮甜，中上之選。
第二盤食salad！正！有好多生菜呀~~不過可惜冇rocket。但其他salad選擇都幾多，pasta, potato, 連蛋沙律都有！凍肉都有唔少，鐘意煙三文魚的我當然主攻煙三文魚~~ 三文魚鮮味略淡，但都算幾好味。
之後開始熱食啦！我係一次攞少少，出去好多次的人。佢d點心一般，個蝦餃個皮做得好差，一夾即爛，用既蝦唔算特別鮮甜，又冇竹荀；燒賣都好一般；但佢d中式餸就好似唔錯，可以"吼"佢新鮮整完出黎夾 (佢係open kitchen, 望到佢做乜架) 我見一有新鮮薑葱炒蟹即刻叫愛蟹的同事出來攞，食得佢好開心。大家都覺得佢有個焗三文魚都做得唔錯。
仲有個印度野食bar。curry chicken幾好食，應該係masala，辣辣地；不過個咖喱魚就唔得，一來用的咖喱偏甜，同埋魚又炸過，好漏；佢個青豆飯都唔錯的，用左印度米，不過如果佢落香料煮，instead of 放d唔知咩豆，會正宗d。仲有個印度薄餅，放埋芝士去焗，送唔倒咖喱 - 雖然成個印度野食的session睇落好豐富，但係冇乜淡味主食，印度野又偏濃，令人好難滿足的。
寫返出黎先發覺我食左好少野 - 係呀，我係食左以上咁多野 (除左煙三文魚同魚生之外每樣都只係一件) 咋，就轉攻甜品 (可能因為呢排腸明一直唔多好，胃口不大)；老實講呢度甜品一般 ：一般如d布甸，粟子蛋糕其實都唔錯；不過個bread pudding 就令人失望，唔香，個custer cream又唔了濃，食完一d都唔滿足；反而d生果幾好，最好都係有"哈近打屎"雪糕食，不過雪櫃唔夠凍，食果時已經溶左兩成啦。
同事話chocolate mousse 好味，唔知呢, not in the mood for chocolate today, 冇食。下次有機會先食。
其實仲有d即煮粉面，睇落幾吸引，我見龍哥dull麻辣粉好似好辣好辣咁啊~~~ 但實在太飽，唔係我要再食。
整體黎講- 呢度冇一樣令你好印象深刻，超好味，令到你好想返dull的食物。不過整體水準不過不失咁lor。用恆生白金咭buffet人頭費有八折 (注意service charge同額外叫的野飲冇折的)，人頭費圍返每人$150唔使，其實都算唔錯的了。如果你喜歡吃buffet, 或者想約人食飯，唔想麻煩諗食乜，呢度都ok的。 (不過我地有人叫左juice,唔係平，所以連埋加一每人就要差唔多185 蚊啦)
张贴