柏景餐廳 (已結業)

早幾日同老闆食Lunch，帶左我同啲同事去咗往家太平洋酒店食自助餐，本身諗住都係普通貨色，原來都有驚喜!沙律蔬菜選擇好多，我最喜愛的凱撒沙律汁超滑，最怕見到杰撻撻嗰啲。頭盆都好好食，亞枝竹沙律及蘋果哈密瓜沙律，一試難忘!魚生有水準，除三文魚外，仲有立魚，一樣有鮮味，最怕啲死死實實似擦膠!熱盆水準一般，選擇唔算太多。中式粉麵檔，啲蝦白灼都幾好味，配河粉一流，灼菜都有選擇，菜芯、油麥菜，唐生菜，冬菰都有。哈哈，超滿足!!甜品細細件，多選擇，食多啲都唔怕肥。最忍唔到口係花生醬夾餅，正!!!