壽司派 (已結業)

星期六晚上同友人諗唔到食咩 , 所以就試下呢間壽司派啦 , 雖然之前已經有朋友食過評價唔得 , 但係口味既野每個人唔同 , 我地反而覺得OK , 唔會好差囉~~~ 皮蛋豆腐配海膽 - 口感係麻醬Feel , 都幾好吃。 甜蝦壽司 - 貴左少少 , 但係蝦夠鮮甜。 三文魚腩 - 以價錢同質素黎過抵食。 甜蛋壽司 - 味道唔會過甜 , 不過d飯比較散 , 甜蛋大得黎有d爛左。 魷魚壽司 - 新鮮爽口。 芥末八爪魚壽司 - 味道夠辣唔錯。等位時間都唔駛好耐 , 環境唔迫 , 而且上菜又快手wor , 兩個人都係食左$120幾左右 , 只可惜真係冇咩服務可言囉。