德美壽司

营业中

休息中

係尖沙咀行完街，攰攰地要搵間餐廳坐低食飯，又想食日本野於是就嚟左呢間日式料理餐廳。之前食過都覺得ok.一上到嚟，已經係6點幾7點，嚇親，連埋我地得3枱人，以前係會坐滿曬。。睇嚟香港嘅餐廳都好難做。。。叫左個壽喜燒鍋，應該係用牛肩肉，牛肉味濃，肉質比較實，味道不錯。仲有好多娃娃菜，金菇墊底，索曬啲壽喜燒汁味，非常好食。之後叫左個燒鯖魚（因為唔想食咁多生野），鯖魚無腥味，feel 到鯖魚嘅omega3 好多同埋都算幾juicy 同厚肉，燒得好香，絕對無hea 你。然後叫左幾件sushi, 帆立貝 鯛魚 三文魚，魚生都算新鮮，帆立貝都算鮮甜，三文魚油脂分佈平均。鯛魚味道就淡啲。燒魷魚好正！！魷魚好彈！啲燒汁燒到好入味！串燒就正正常常。普通日式串燒，無乜記憶點。最後佢每人送左甜品，係啲日式糕點，滑劣劣，少少抹茶味加紅豆，好食。