江戶前 (已結業)

鐘情日本菜既我，放工繼續搵食~近近地就去左江戶前喇環境擺設基本上同沙爹王差唔多，可能係因為同一集團既關係la~最好係有得睇電視，而且聲量適中，唔會覺得嘈吵今次點左壽司拼盆、三文魚刺身、日式沙律冷面、京味豆腐仲有蒸蛋.....時間尚早(7點左右)，所以落單上菜同埋加茶既速度都好滿意!雖然只係竹壽司拼盆，但用料亦不馬虎，飯唔散又唔會太大舊~三文魚刺身($2X)一客，幾厚同新鮮....價錢唔貴，有咁既質素算物有所值!!好過某d元字頭既壽司店日式沙律冷面好適合夏天食，個汁混合左d沙津醬同日本醋，酸酸地好開胃面條彈牙，青瓜絲爽脆，仲有蟹柳絲同粟米....整個感覺好match，如果有多d蟹柳絲會更好~~~京味豆腐一客有四件炸豆腐，外層炸到脆卜卜，豆腐仍然好滑但係豆腐本身既味道較淡，食完一啖都要點返D汁先夠味...最後略嫌客蒸蛋唔夠滑同用料唔多，一試就夠!總括而言，壽司及刺身水準較出色，而熱食方面亦經常推陳出新，但質素仍有進步既空間。