金加利餐廳 (已結業)

十餘年前中六中七，午飯去過無數次金鳳/金加利，時至今日在淘大再遇上。雖然無睇過食評，但好應該再食一餐再回味一下。未睇餐牌都知食肉為主，睇埋餐牌先知有農夫包，可惜我哋夜晚九點才入座，農夫包已經賣晒。今次唔想食得太heavy，無叫鐵板，點了一個燒豬仔髀、一個兩款焗飯。餐包：唔見咗個籃……燒豬仔髀配薯菜(洋蔥汁) $68：只睇賣相已經係非常之吸引，鄰檯食客都一直望住我呢一碟菜 肉的份量值回票價，好入味，鹹味適中，well done!雞扒配豬頸肉焗飯(葡汁) $74：肉的份量一樣好足，炒飯底蛋和飯都好均勻，無乜油，葡汁好有味，加上芝士香味十足。想不到金加利水準依然，可能因為繁忙時間已過，客人開始無咁多，剛剛好唔洗等位，睇伴碟功夫都知師傅會做得有心機掛....下次有機會絕對會再翻尋味。