影片
更多
2017-03-30
1190 浏览
為食朋友話尖東開左間好正嘅日式創意料理餐廳，叫我一齊去試。見佢講到好正就即管去下啦！去到門口見到餐廳好暗，有點似酒吧一入門口就見到一張bar枱，餐廳睇落都好大，好似間左唔同區咁，座位闊落又夠私穩。炸藕片惹味香口又唔油膩。配上松露沙律醬，而沙律醬內有小許wasabi; 入口微辣清新感覺開胃，加上松露味濃，好有層次。魚子醬迷你脆筒二重奏賣相非常可愛吸引，迷你脆筒內有層綠茶味的塗層。脆筒上分別用左加拿大海膽和新鮮吞拿魚蓉作食材。說實話我好小係香港食海膽，怕唔新鮮有腥味，但呢間餐廳有好多菜式都用海膽，朋友又想食，就即管試下！海膽都幾新鮮，至小顏色都好有光澤，唔會暗暗灰灰，食落新鮮唔腥，令我對香港食海膽有番信心。吞拿魚蓉內加了七味粉，食落有些小微辣，但怕辣的我都接受到，吞拿魚蓉口感軟綿綿，加上小許魚子醬作點綴，一次過放入口，有齊爆綿脆嘅感覺！赤身沙律沙律擺盤好似幅畫，除了吞拿魚和多款沙律菜，仲有車厘茄，藍莓同果仁等等，配上柚子汁，非常開胃！店員建議先用叉戳破溫泉蛋，讓蛋黃流出再食，感覺添滑溜。厚切吞拿魚，四邊用黑胡椒和香草醃制，食落惹味偏辣，加上小量芝士粉，今味道更添層次。可惜黑胡椒有點過多，有
去到門口見到餐廳好暗，有點似酒吧一入門口就見到一張bar枱，餐廳睇落都好大，好似間左唔同區咁，座位闊落又夠私穩。
炸藕片惹味香口又唔油膩。配上松露沙律醬，而沙律醬內有小許wasabi; 入口微辣清新感覺開胃，加上松露味濃，好有層次。
魚子醬迷你脆筒二重奏賣相非常可愛吸引，迷你脆筒內有層綠茶味的塗層。脆筒上分別用左加拿大海膽和新鮮吞拿魚蓉作食材。說實話我好小係香港食海膽，怕唔新鮮有腥味，但呢間餐廳有好多菜式都用海膽，朋友又想食，就即管試下！
海膽都幾新鮮，至小顏色都好有光澤，唔會暗暗灰灰，食落新鮮唔腥，令我對香港食海膽有番信心。
吞拿魚蓉內加了七味粉，食落有些小微辣，但怕辣的我都接受到，吞拿魚蓉口感軟綿綿，加上小許魚子醬作點綴，一次過放入口，有齊爆綿脆嘅感覺！
赤身沙律沙律擺盤好似幅畫，除了吞拿魚和多款沙律菜，仲有車厘茄，藍莓同果仁等等，配上柚子汁，非常開胃！
店員建議先用叉戳破溫泉蛋，讓蛋黃流出再食，感覺添滑溜。
厚切吞拿魚，四邊用黑胡椒和香草醃制，食落惹味偏辣，加上小量芝士粉，今味道更添層次。
可惜黑胡椒有點過多，有點蓋過鮮甜軟稔的赤身，有點浪費如此新鮮的食材。
泰の蠔生蠔肥美飽滿，非常嫩滑，配上葱，蒜和泰式醬汁，凍冰冰的蠔配酸酸辣辣的醬汁，冷熱交替。還有矜貴的海葡萄，軟軟的蠔又帶點海葡萄的爽口，感覺有趣。
終極卷物呢個機乎每枱食客都有order，而我都認為一定要試。
壽司卷入面包左紫蘇葉同漬物，食落清新又可減低上面的海膽同吞拿魚蓉的膩。
海膽同之前脆筒一樣好新鮮，夾起面層一睇，原來下面仲有另一款海膽，下層比上層未更濃，一種食材兩個濃度，令卷物更添層次。吞拿魚蓉完全唔腥，而且肥美軟滑，再配上脆卜卜三文魚籽，又添一口感。
龍蝦燴飯濃湯店員先上龍蝦燴飯，再係客人面前加湯，湯從壺倒出時香氣撲鼻，賣相及香味都好吸引。湯比較稠身，碟內有兩片厚厚的龍蝦肉同小許意大利飯。飲落好重龍蝦味，店員話用左大量蝦殼同膏淆成，龍蝦肉鮮甜，湯撈埋燒炙過的意大利飯，令常見的龍蝦湯又變得不平凡。唯龍蝦肉有點煮過龍，有點un.
本菇黑松露藜麥溫泉蛋意粉食完各樣菜式已經好飽，但個意粉黎到好香，又開胃番。
黑松露意粉加上大量雜菌，再混合溫泉蛋和大量藜麥，整個意粉又有多重口感！
餐廳除左菜式設計特別外，服務亦非常熱心，每上一道菜，店員都會用心講解每道菜的用料，特別之處和食法。用餐後回想其實每道菜都有多重口感，廚師的確落左不小心思。
而且餐廳都使用貴價食材，食落又新鮮，即使價錢不算便宜，但確實值回票價。
张贴
