三洋餐廳 (已結業)

睇咗咁多年openrice都淨係得個睇字, 未試過寫食評, 今次真係要寫下啦~呢間舖頭喺我公司附近, 而家已經變成我既飯堂啦~以茶餐廳質素黎講, 喺同區裡面都算係幾好味, 服務仲非常好~由於老細會喺朝早同埋晏晝坐陣既闗係, 朝早同晏晝既service同埋份量都係無得彈既~唔夠既話同老細講一聲, 要多飯絕對冇托手爭~! 不過夜晚老細唔喺度就差好多啦~ 講番啲嘢食, 呢度既湯飯話係冇落味精既, 我本身唔係太識分, 但至少食完冇口渴既感覺, 幾夠味, 個湯唔會淡茂茂~ 值得推介~另外呢度既脆脆奶油豬都值得一試, 夠脆口~仲有佢個蕃茄肉碎米粉都唔錯, 蕃茄夠濃, 啱晒我呢啲鍾意濃味既人~ 呢個餐仲有一個迷你奶油豬食架~ 午餐既餐牌日日都唔同, 食過幾次質素都唔錯, 茶餐廳水準黎講都算幾好味~呢度價錢茶餐聽黎講算係中上, 但就真係覺得抵食~ 讚!