大作壽司 (已結業)

食過幾次大作，水準平均，覺得係比起元祿元氣抵死咁，又唔係好有特色。不過，星期四與朋友去食個午飯後，便要比個笑面佢了。朋友叫左個蔥粒吞拿魚腩飯 share，等左好耐下，但黎到時.. 見到碗飯好大碗下 (分到四碗飯) ~ 食落去 d 吞拿魚腩好新鮮，再配上芝麻香和蔥粒，冇左平時吞拿魚壽司刺身既腥味。不過就沒有配吞拿魚腩既鼓油，便美中不足了。另外叫左個軟殼蟹手卷。熱辣辣而肥美的軟殼蟹炸得岩岩好.. 仲要係夠大隻，成隻「蟹腳」露出「手卷」之外，食到最後一啖仲可以食到軟殼蟹肉的，好滿足哩﹗不過紫菜就林左 d ~ 唔脆。三文魚壽司一如以往的大舊... 而個朋友都叫左三文魚前菜，份量好夠。就係咁，我地兩個就捧住個肚咁行返公司了。