鬍鬚仔 (已結業)

鬍鬚仔喺九龍灣都幾出名，午飯時間人山人海，仲有唔少人排隊，好彩等咗10分鐘就有位😛Lunch set有意粉、焗飯、pizza同漢堡，今次試下經典牛堡配薯條($70)，飲品要檸檬伯爵冰茶，見到其他人嘅餐都幾靚，所以有啲期待😆份量幾大、漢堡好厚、薯條好多🤣麵包表面烘到濃濃地，配料就有基本嘅芝士、蕃茄、生菜，漢堡扒應該係入貨，因為有啲肉丸嘅咬口，不過都唔會太實，我覺得okay👌🏻醬汁方面係有啲芥末味嘅沙律醬，酸酸甜甜幾唔錯，但要食到中間先有，所以頭幾啖偏乾，如果搽均勻啲就更好😝蕃茄生菜都算新鮮，唔會”梅曬”、保持爽脆感😉薯條係連埋皮嗰款，感覺上會真實啲😂因為食完個包先食，所以凍咗又冇咗脆，呢個純粹係我嘅問題，因為有幾條細啲、仲熱辣辣嘅真係好脆口😋飲品方面唔太建議檸檬伯爵茶，都係茶餐廳嘅茶底襯凍OT多啲🤣見到啲湯都頗濃郁，應該係唔錯嘅選擇😙