大家姐 (已結業)

煎釀三寶乃香港特色小食，惟又平又好食既煎釀三寶越來越少。
位於荃豐的大家姐多年來屹立不倒，阿豬行過荃豐定必來買炸魚蛋食。

煎釀三寶 $10/4件

煎釀三寶 $10/4件
今次唸住買多幾樣黎分享下，點知都係失水準。

炸腸仔炸得過火，既乾又實。

茄子

茄子整口都是油，絲毫茄子香味及甜味也沒有。而且呢舊既魚肉更加唔見左。

炸豆腐

炸豆腐算是不錯，外脆內軟。

炸魚蛋

惟有炸魚蛋依然keep到，魚蛋剛炸起脹卜卜，好大粒，聞落好香，咬下更是柔軟且富有彈性，比起外面炸得硬實的已是十分好！

由於炸豆腐及炸魚蛋算是不錯，今次就俾ok啦！

不過阿豬又會變返以前咁只會買$10/4件炸魚蛋算啦！