朝日屋 (已結業)

相隔咗好耐無幫襯，今日又再返嚟試吓，點咗個吉列日本豬柳定食同迷你海膽火灸左口魚邊丼配細牛肉烏冬。先講個豬柳定食，啲豬柳咬落去幾煙韌，個外皮都炸得幾脆，食落唔錯。另外跟餐嗰啲麵豉湯同沙律等都係正常嘢，無咩特別。之後輪到海膽定食，海膽唔算多，但味道唔錯，不過以佢呢價錢嚟講算係唔錯。而啲左口魚邊反而幾彈牙，個牛肉烏冬就正正常常。兩個定食嘅其他嘢：麵豉湯鹹咗啲，沙律無咩特別，而個甜品都普通，不過整體嚟講唔算貴，而質素亦都ok，可以再試。