板前壽司 (已結業)

習慣每星期都會去呢間板前約一次,一路水準相比坊間餘下的迴轉壽司都算唔錯,但可能係擴張得太快, 師傳好多都轉晒, 樓面都係, 如果質素可以保持都無問題, 但上兩次去都唔係咁掂第一次: 壽司吧O既師傅仔顧住燒珍寶帆立貝俾自已同另一個樓面食, 但o個陣仲未收工, 我地一早ordero既鵝肝見佢燒20分鐘都係"淹淹"下, 追左幾次先開始開行個火整, 個tray同時間燒緊好多件鵝肝, 俾左2件我地後, 餘下至少6件都繼續慢火燒, 但又唔見佢整, 那段時間已過了last order, 可能又係私伙食卦?!第二次:隔無一個星期去, order左個三文魚壽司, 但其中一件好似俾人咬左一啖咁, 師傅仲要夠膽死親自交俾我, 叫個經理姐姐埋黎後, 佢見到都知出事,結果換過碟.....唉, 食完呢兩次後,都冇衝動再去, 要做好成本控制, 都唔駛將最廉價o既三文魚都要俾爛o既俾客呀? d staff就食高檔o既食物, 高層唔知有冇發現呢d問題? 唔見有意見箱可以投訴, 希望寫o係樹d管理層睇完後會改善吧