鮮芋仙 (新都會廣場) (已結業)

喺新都會廣場開咗鮮芋仙 work from home又懶得落街嘅我梗係叫屋企人買外賣俾我啦😺 天氣依加咁熱 咁我地就一人嗌咗一個招牌仙草沙冰 招牌仙草沙冰外賣返嚟仙草沙冰都未溶 呢個招牌仙草沙冰之前都食過 入面有芋圓 地瓜圓 仙草凍 仙草沙冰 今次外賣仲有個細嘅奶仔🥛 不過我個人就唔係好鍾意呢個奶仔嘅味道 可能雲呢拿味太香🍦好有香精嘅味道 但係今次食都令人有啲失望🙍🏻‍♂️ 因為芋圓同埋地瓜圓一啲都唔煙韌 咬落口仲好粉🤮 唔知今日呢間鋪整乜 真係好難食 唯一入得口嘅真係個仙草凍 冇得輸🥰 食落口好涼快 可以好好消暑☀️ 下面嘅仙草沙冰係一啲冰再加仙草味嘅糖醬 味道都唔差嘅配少少仙草凍再配一羹沙冰食落口就更加開心🥳 本身鍾意食鮮芋仙都係因為佢嘅芋圓 地瓜圓整得好出色 可惜今次外賣嘅體驗令我好失望🙍🏼 如果係堂食我一定會同佢反映返 唔好再整呢啲垃圾俾人食🙁