茶木‧台式休閒餐廳 (德福廣場1期)

营业中

休息中

話說呢日同朋友聚舊，見周圍都冇咩野食，零零丁丁呢間仲開住門，肚餓起來都費時左揀右揀，就入左去坐。入去時見一個角落有好多卡位，就問職員可唔可以坐果d卡位，個職員竟然直接話唔俾，係都要我同朋友同人逼住咁搭枱坐，都算，點知坐底冇幾耐有其他客人到，個職員又肯俾佢地坐果d寬敞既卡位喎，咩服務態度來🙄呢餐我點左個辣茄醬田園新豬肉手作麵，餐牌聲稱熱量低66%, 飽和脂肪少86%， 但係送到來時，已經見到好多油，唔見得係冇咁油膩喎。新豬肉可能真係比傳統豬肉健康小小，但係最後點烹調都係關鍵，如果煮新豬肉係用更多油，最後熱量/飽和脂肪等等未必會更低囉。 碟野味道普普通通，其實搵唔到幾粒肉，略嫌鹹得制啦。朋友個醬燒豬軟骨麵都係味道麻麻地。食左咁多次，今次真係食得出d質素差左啦，呢個價錢真係唔值了。