November (京瑞廣場) (已結業)

石門京瑞廣場近年有好多餐飲小店開咗，去嗰度搵嘢食一定會搵到啱自己嘅。今次見到有間賣黑糖珍珠同士多啤梨系列果茶鋪叫November，就去order咗兩杯試下，揀咗士多啤梨光環同埋士多啤梨莓莓奶奶。士多啤梨光環係紅茶加埋多種士多啤梨打造出嚟嘅果茶，再加上一片超厚菠蘿做光環，成杯飲品都好fresh，飲完涼浸浸嘅感覺而且塊菠蘿又甜又多汁。士多啤梨莓莓奶奶就係用新鮮牛奶加上士多啤梨及雜莓打造而成，每一啖都比較厚身比較有質感，而且飲得出有唔同嘅雜莓蓉及士多啤梨蓉喺入面，有益又係小朋友嘅至愛。