甜牙牙

营业中

休息中

今日夜晚同朋友食完晩飯，又唔想咁早返屋企，就去咗旺角廣華街食甜品，朋友唔帶我去都唔知，原來呢條街好多糖水舖。我哋揀咗呢間叫甜牙牙入去食，因為覺得個名好得意。值得一提呢本菜單真係印得幾靚，裏面有好多唔同嘅窩夫雪糕，賣相都好得，不過因為食完飯就食唔落窩夫啦！最後我哋叫咗一個抹茶心太軟$55，配抹茶雪糕、忌廉、紅豆、曲奇餅碎、士多啤梨同藍莓，感覺真係好豐富，一切開個蛋糕，抹茶醬就好似火山咁流出嚟。仲有水晶芋圓仙草杯$48，配有芋圓、仙草、西米、脆珠、椰汁，味道清新，甜度適中。