魚泉日本料理鐵板燒 (已結業)

是日又到銅鑼灣魚泉日本料理吃lunch，無他嘅，食物質素高，服務好係主要原因... 比較趕時間，lunch就揀咗蔥花吞拿魚腩飯，貪佢夠簡單夠快，果然，一碗慢慢吞拿魚嘅吞拿魚腩飯送上，賣相已經夠吸引，吞拿魚夠新鮮，而且好似唔使錢甘，滿碗都係，米飯同壽司米一樣，夠嚼勁，結果當然係一粒飯都無剩低喇，簡單嘅魚腩飯做到甘嘅素質，確實唔錯...每個定食都會送上蒸蛋與面豉汤，先講蒸蛋，略嫌水分多咗d，不過睇得出係用心之作，用料有蝦、瑤柱等等，而且蛋夠滑；再講個面豉汤，夠清甜，原來係有只好大只嘅海蜆調味，難怪味道甘清甜喇...飯後有雪糕做甜品，可以選擇綠茶味或芝麻味，雪糕比起坊間買到嘅大部分都要好，可以話係perfect ending啊！