一餐很有心思誠意既私房菜🍴，不論菜式或服務都很用心👍🏻，
今次既菜式係special menu，前後總共有五道菜！
第一道上既頭盤係生蠔、海膽帶子配蘋果田園沙律 :
先食右手邊石蠔Gillardeau配魚籽醬，
因為味道無左手邊既White pearl甘濃郁！
Gillardeau大隻厚滿肉身爽脆結實，蠔裙亦都好爽口.蠔味吾會太過霸道，
海水味適中，吾會太咸，配魚籽醬味道一流！
White pearl 肥美一入口已經好creamy好滑，蠔味濃烈吃後留有海水咸味同鮮甜，
配上三文魚籽仲增添一份油香味！
雖然海膽北海道帶子被生蠔搶鏡淪為配角，
但水準味道亦不輸蝕，一樣鮮甜吸引！
第二道 湯 : 🍤🐚龍蝦周打蜆湯
湯味道有點重濃郁，飲到小小辣味，
但大大隻蜆肉新鮮無沙令個湯可增加鮮甜美！
第三道 鵝肝松露蟹肉釀鮑魚 :
鵝肝外脆內暖滿滿油香(好邪惡既食物😍不過我鐘意)但個多士就吾係好夠脆！
鮑魚仔新鮮軟度剛剛好吾會話太乾，細細粒可愛外觀吸引！
松露既微香配啖啖蟹肉👍🏻面頭仲有塊焗芝士，😅其實食到依到已經開始飽飽地！
第四道主菜 : 安格斯prime肉眼,黑毛豬脆片松露蘿蔔糕
食到第四道我已經好飽，幸好份量上吾算特別大！
Angus 肉眼我選擇左7成熟，因為本人吾係太喜愛有血淋淋既場面出現🙈肉汁未能鎖到但可保留到肉香，脂肪比例剛剛好吾會有太多筋！菜式夠FUSION配蘿蔔糕幾特別中西合璧！
(p.s :另一款主菜有脆皮鱈魚海龍王陳村粉，鱈魚一點都吾腥，魚肉質感厚滑，配陳村粉幾特別)
第五道 甜品 : 菊花焦糖燉蛋
甜品令我有點失望，仲以為菊花可散發淡淡清香，
誰不知換來強烈的番梘味，蛋身老吾夠滑，創意係夠但味道就遜色了😞
反而另外一款甜品肉桂蘋果脆批味道較出色！
🌟整體而言Luxury菜式新穎又FUSION創新，無論酒水、食材都貴價貨品亦毫不吝嗇的份量！
係朋友們gathering聚餐好去處，店內環境感覺氣質獨特，令人舒服自在！
味道：★★★★☆
環境：★★★★☆
推介：★★★★★
服務：★★★★☆
