名館 (已結業)

一早聽友人大力推薦呢間餐廳，於是搵晚黎試試，黎到一睇，果然生意興隆，認真系氣派中菜，但有著親民價錢。另外，勁鍾意飲佢既蕎麥茶，好香口架!!金石斛花燉鷓鴣呢個湯飲起上黎好清甜，面頭黃色既就係金石斛花，食落清香甘甜，都好值得推介。鮮肉小籠包呢到既小籠包造功紮實，非常出色，我自己都試過唔少地道出名既小籠包，但都不及呢到既小籠包，佢皮簿湯多! 皮簿到好似餃子皮咁，湯多到成個匙羹都係! 而且仲要好好飲!小籠包既肉質都幾實淨，唔會滑孱孱。黑椒安格斯牛柳粒牛柳粒肉質嫩滑，好有牛味，經過蔥同蒜頭爆炒過，好香口好惹味，而燈籠椒更為牛柳粒增添一份甜美。厚切叉燒叉燒既肉質好嫩!! 燒到好均勻，邊邊都無燒焦燒到硬曬，係前所未有既享受。飯焦鳳尾蝦炒飯白色一粒粒果啲就系飯焦，食起上黎好香脆，令呢道炒飯更有口感，同埋，蝦隻都好新鮮，數量都多，本身炒飯既飯粒亦都粒粒分明，成個飯好香! 我自己都幾鍾意，推介俾大家!