影片
更多
2017-12-06
1396 浏览
美式煙燻醬燒西班牙黑毛豬肋骨最先黎到既係黑毛豬肋骨。雖然我地只係叫左一個bite size，但係黎到既時侯我地都己經覺得都大份。煙燻醬既調味好好，同燒豬助骨好夾。而黑毛豬肋骨本身亦非常juicy，燒得平均之餘一啲都唔會覺得太乾，味道非常好。薯條都好夠薯仔味，口感都好好。成個小食就算好似有啲重口味，但係就算我地空肚食佢都唔會覺得太heavy，仲食慾大增添！ 烤海鱸魚柳燒南瓜半乾車厘茄西蘭花松露醬捲紙通粉烤海鱸魚柳既味道非常好，烤得好香，同松露醬非常夾，鮮味十足平時少食魚既友人都十分enjoy。小妹好鍾意入面既半乾車厘茄──佢既咸味將味道加入更多既層次，同南瓜既淡淡既甜味作一個對比，一啲都唔會覺得單調。再加人上捲紙通粉特別既口感，一定可以帶到surprise比大家，唔會令大家失望。 手拆鮮蟹肉蟹粉汁自家製意大利粉伴鮮海膽 (limited)另一個pasta係限量既蟹肉海膽意大利粉，試唔試到就睇大家好唔好彩嗱。一黎到侍應仲非常之細心咁提我地要快啲食，如果唔係就會無再意粉口感同海鮮既鮮味，服務非常好。成個意粉都好鮮甜，好有海鮮既香氣。入面亦都好足料，唔單止有鋪喺面既海膽，入面都好多蟹肉，配合其
最先黎到既係黑毛豬肋骨。雖然我地只係叫左一個bite size，但係黎到既時侯我地都己經覺得都大份。煙燻醬既調味好好，同燒豬助骨好夾。而黑毛豬肋骨本身亦非常juicy，燒得平均之餘一啲都唔會覺得太乾，味道非常好。薯條都好夠薯仔味，口感都好好。成個小食就算好似有啲重口味，但係就算我地空肚食佢都唔會覺得太heavy，仲食慾大增添！
烤海鱸魚柳燒南瓜半乾車厘茄西蘭花松露醬捲紙通粉
烤海鱸魚柳既味道非常好，烤得好香，同松露醬非常夾，鮮味十足平時少食魚既友人都十分enjoy。小妹好鍾意入面既半乾車厘茄──佢既咸味將味道加入更多既層次，同南瓜既淡淡既甜味作一個對比，一啲都唔會覺得單調。再加人上捲紙通粉特別既口感，一定可以帶到surprise比大家，唔會令大家失望。
手拆鮮蟹肉蟹粉汁自家製意大利粉伴鮮海膽 (limited)
另一個pasta係限量既蟹肉海膽意大利粉，試唔試到就睇大家好唔好彩嗱。一黎到侍應仲非常之細心咁提我地要快啲食，如果唔係就會無再意粉口感同海鮮既鮮味，服務非常好。成個意粉都好鮮甜，好有海鮮既香氣。入面亦都好足料，唔單止有鋪喺面既海膽，入面都好多蟹肉，配合其他調味絕對令人耳目一新，但又唔會搶過海鮮本身既味道。
法式綠茶拿破崙伴紅莓雪葩
甜品我地揀左綠茶拿破崙。拿破崙既口感好好，餅皮既脆口同軟滑既綠茶醬平衡得好好。入面既綠茶醬唔單止唔會太甜，仲有好香既綠茶味，絕對適合各位「綠茶控」。雖然係拿破崙，但係一啲都唔會太油膩。再加埋酸酸甜甜既紅莓雪葩，味道滿足到鍾意食唔同甜品既人，係一個perfect ending！
Earl Grey on Rock Passion Fit
我地各叫左一杯cocktail同mocktail。Earl Grey on Rock雖然係cocktail，但絕對唔驚酒味太重好易飲醉，平時少飲酒既朋友同可以一試。慢慢溶化既伯爵茶冰令到飲品愈飲愈有香濃既荼香，微微既變化非常適合同朋友促膝長談既時候飲，味道亦唔唔變淡。Passion Fit 酸酸甜甜既味道同soda water令人食慾大增，香味同食物既味道都好夾。
张贴
