慵懶生物 (已結業)

好少去九龍城食嘢，唔熟果頭嘅話都需要啲時間搵。呢間裝修同其他西式cafe差唔多，不過特別在可以帶埋寵物入去食，整體食物水平唔低。主食比較少選擇，可能呢度以輕食同咖啡為主啦。就叫咗自家製忌廉蘑菇醬意粉配雞腿肉，啲蘑菇醬好濃郁，雞肉嫩滑，幾好味。仲有叫咗澳洲風免治牛肉批，佢個外皮比較薄但食到香嘅酥皮，啲餡超多，塞到滿哂。另外嘢飲有叫dirty同brevelatte，我自己比較鍾意brevelatte，因為佢嘅奶味比較重。甜品方面就試咗甘筍蛋糕配忌廉芝士牛油糖霜，都ok，味道比我想像中好。