愛文生

营业中

休息中

成日聽到愛文生呢個名，一直都知佢喺深水埗，但係就一直無機會試，今日終於機會黎喇飛雲，可惜……兩個人叫咗5樣野，真係大食，叫了豉椒鵝腸、椒鹽鮮魷、生炒排骨、豉油王炒麵同炒唐生菜。又唔係話好難食，不過講真，真係有D失望，價錢都算高(平均$100一碟野啦)，不過份量都足大大碟嘅，不過個味道同出面是但一間茶餐廳差唔多，只係佢個大排檔氣氛夠正。咁多樣野之中，最好食係碟炒菜，有鑊氣。第二好食係個豉椒鵝腸，鵝腸有肥膏，夠香又夠爽。排第三就係豉油王炒麵，不過個人覺得佢已經唔合格，一來唔夠鑊氣，二來唔夠乾身。排最尾係椒鹽鮮魷同個生炒骨。椒鹽鮮魷粉厚魷魚細舊，所以出到黎有柴皮的感覺。至於個生炒排骨亦有類似情況，都係粉好舊，裡面舊肉都係估計太細，所以好硬。其實我叫的都係D大路野，一食就知係龍定係蟲，都係嗰句，唔係唔好食嘅，只係失望而已。