Cosmos Restaurant & Bar (已結業)

同朋友係尖沙咀選擇食哩間西餐廳，門口有英超、西甲足球直播既招牌。螢幕好大，基本上坐任何位置都可以睇到，不過當時唔係足球比賽時間，所以播緊音樂MV，經理聽到我讚螢幕時，佢話下次可以帶埋朋友黎包場睇都得。前菜煙三文魚沙律、黑松露餐湯、香蒜法包。法國鵝肝伴牛柳配黑松露紅酒忌廉汁($248)，鵝肝好飽滿，咬開之後成口油脂香味，牛柳有2大件，要求7成熟，切開入面呈粉紅色，重牛味兼且軟腍，點一點醬汁更好味。美國豬肋骨配美式燒烤醬($258)，共有8支骨，肉質腍易咬開，烤得岩岩好，唔會太生或者過燶。朱古力慕絲，一餐豐富既晚餐，當然要配埋一個甜品做結尾。Pineapple juice($43)。Mocha($53)。