J's Bar Bistro (已結業)

之前想搵場地開一個大約100人既party，睇相介紹呢間J’s Bar Bistro好似幾啱心意，所以就諗住試下睇下環境先。一開始見到門口好似好黑冇乜人咁，但入到去反而感覺唔錯。一入到去人唔多，之後就慢慢多人。個menu本身會著燈，所以唔怕環境黑而睇唔到。Waiter好好人，會介紹返我地仲有時間enjoy 呢個Happy Hour 買1送1優惠，都幾好飲。Set dinner個蘑菇湯唔錯，好香好creamy，不過就咸左少少。Overall 食物算唔錯，由其是個鵝肝，好香好肥既感覺。成個set dinner如果for 1個人份量其實啱啱好，唯一改善既地方係傳菜次序，湯唔應該係主菜食完左先出現。除左set dinner 我都仲order左一個pizza 同串燒。Pizza 就普普通通，唔算突出。而串燒就有少少失望，叫左一串燒帶子，好可惜係唔熱既，好似放左一段時間先送出黎咁。而且等既時間都比較耐，要問左waiter兩次先出現，我本來想話直接取消就算。總括黎講，呢間bar 同幾個朋友傾計飲下野係幾適合，而且waiter 服務真係幾好，只係上菜次序有D亂。