宮崎肉本舖 (已結業)

呢到真係氣氛一流，仲有D位係對住景，好岩約會! 呢到有燒肉，仲有其他定食。叫左個九洲A5 和牛五寶盛合，一上台見到D肉紋都覺得勁正! 成個set仲有佢地自家製既味噌鮮魚湯，本身怕會腥，但完全唔會，係好鮮甜既湯! 前菜都有驚喜，用豆腐做base，面上有D似味噌肉燥，成個好開胃。咁多款肉都係好重牛味，個人最鐘意係牛五花，佢既油脂分布真係一流，呢D靚既肉，就算唔點醬，都已經好好食。茶碗蒸都係好足料，蛋係超級滑。熔岩芝士A5 宮崎牛漢堡定食，好足料! 個漢堡好juicy，呢款芝士食落唔算好膩，仲可以撈飯食。呢間價錢合理，食物質素高，一定會推介比朋友!