影片
更多
6天前
0 浏览
早前喺thread見有人推介呢度的半自助午餐，趁同朋友聚會就嚟試下。提早1日經Openrice訂位。平日正午抵達，食客唔多，自助餐區前只有2、3個人徘徊。半自助午餐係指前菜任食，餐區範圍細，食物選擇有限，令人有啲失望。自助前菜：有3款芝士，1款軟芝士，另外2款較硬身，菜牌冇寫係咩芝士，只籠統稱為"cheese selection"。軟芝士味道溫和，而硬芝士的芝士味較重，不過，可能芝士已擺耐咗/已存放一段時間，切粒的硬芝士除咗硬，食落佢的切面仲有啲嚼蠟的感覺。素食沙律有2款：沙律菜幾新鮮，但配料少，橄欖亦切到好迷你；火箭菜紅菜頭沙律中的紅菜頭切到好細粒，難挾，而數最差的係火箭菜，入口有非常明顯的苦味。自助前菜的大部分食物啱肉食人士多啲，包括生、熟吞拿魚沙律同cold cut，雖然係咁，我的肉食朋友都唔啱食，所以，對我哋嚟講，餐廳的半自助午餐吸引力一般~隨餐有餐包、餐湯、主菜(HKD178-238不等)同甜品(3揀1)。 酸種麵包：跟油醋汁；麵包有咬口，配醬汁食就更開胃；食完，侍應收走麵包盤，以為會refill，但原來只係清檯蕃茄南瓜湯：份量唔多，味道天然，係純粹、無負擔的餐湯千層茄子：主
提早1日經Openrice訂位。平日正午抵達，食客唔多，自助餐區前只有2、3個人徘徊。半自助午餐係指前菜任食，餐區範圍細，食物選擇有限，令人有啲失望。
自助前菜：有3款芝士，1款軟芝士，另外2款較硬身，菜牌冇寫係咩芝士，只籠統稱為"cheese selection"。軟芝士味道溫和，而硬芝士的芝士味較重，不過，可能芝士已擺耐咗/已存放一段時間，切粒的硬芝士除咗硬，食落佢的切面仲有啲嚼蠟的感覺。素食沙律有2款：沙律菜幾新鮮，但配料少，橄欖亦切到好迷你；火箭菜紅菜頭沙律中的紅菜頭切到好細粒，難挾，而數最差的係火箭菜，入口有非常明顯的苦味。自助前菜的大部分食物啱肉食人士多啲，包括生、熟吞拿魚沙律同cold cut，雖然係咁，我的肉食朋友都唔啱食，所以，對我哋嚟講，餐廳的半自助午餐吸引力一般~
（半自助午餐）沙律
0 浏览
0 赞好
0 留言
隨餐有餐包、餐湯、主菜(HKD178-238不等)同甜品(3揀1)。
酸種麵包：跟油醋汁；麵包有咬口，配醬汁食就更開胃；食完，侍應收走麵包盤，以為會refill，但原來只係清檯
蕃茄南瓜湯：份量唔多，味道天然，係純粹、無負擔的餐湯
千層茄子：主菜之一，HKD178；侍應表示餐單新出，估計每月轉款，幸運的係7月份餐單上無論係HK178/208各2款的選項入面，都有1款係素食；HKD208的素食選項係青醬意粉，平啲就有呢個千層茄子；茄子份量唔多，焗到好腍，易食；醬料味道濃重、豐富，加入大量芝士，包括可拉絲的芝士同芝士粉；今次係第1次食千層茄子，有少少名不符實，因為茄子冇層層疊的效果（可能只得2、3層）
烤雞：主菜之一，同樣HKD178；朋友點咗；雞件幾大塊，有半隻細烤雞，配菜係少量藜麥，冇擺盤（基本上所有食物都係）；朋友食曬啲雞件，估計味道唔錯
affogato：賣相一般，雲呢拿籽雪糕以1隻高身、非透明的瓷杯裝住，根本睇唔到入面細細球的雪糕；雪糕上檯時已開始溶；espresso的份量同雪糕的比例唔啱（雪糕應該大球啲）；espresso唔夠濃，似Americano，欠咖啡creama
意式奶凍：奶凍幾滑，有少少甜莓醬同餅乾碎，酸甜味，有2種口感：奶凍的滑同餅乾的脆，幾好食
朱古力慕絲：同奶凍一樣，都係配苺醬同餅乾碎，賣相相似，一黑一白；呢款有朱古力味（偏向黑朱古力），唔算好甜，慕絲幾滑
（半自助午餐）甜品：Affogato、意式奶凍、朱古力慕絲
0 浏览
0 赞好
0 留言
整體嚟講，環境：非常好，座位舒適，檯與檯之間有少少距離，部分座位的景觀較好；服務：侍應熱情、健談，好願意營造氛氛，佢地都係講英文，一坐低就問我哋係咪第一次嚟、見我哋想自拍，就主動提出幫手影相，打橫打直影咗5、6張，非常落力，敬業樂業；同場有人慶祝生日，餐廳除預備甜品外，仲full team拎住搖鼓喺壽星面前唱完整首生日歌，睇到侍應個樣，佢地幾投入，冇「打份工咋」的感覺；價格：以而家的市道嚟講，半自助午餐的定價唔係特別低，佢冇包飲品，只得前菜，選擇有限。
試咗1次，我未必會主動再約朋友嚟，主要係因為同價位實在有好多其他選擇，而呢度的「半自助」對比其他提供半自助食物的餐廳，選擇實在有限，朋友只拎咗1轉就冇再出去自助餐區，因為†一眼睇曬，唔會錯過或有所遺漏，如果呢個半自助午餐包1杯飲品可能好啲，而家食完有種唔圓滿的感覺~
张贴
