影片
更多
2008-05-02
275 浏览
行過大坑幾次﹐每次行到民聲冰室門口都係多人到飛天﹐諗住無死錯啦﹗就行入去試下。嗱嗱嗱﹗批評還批評﹐公平 D 講﹐民聲冰室嘅食物質素係有嘅﹗佢嘅豬扒又真係幾鬼好食﹗又夠大碟﹗檸茶奶茶又確實唔錯﹗不過呢....呢間嘢確實係亂到七彩﹗落單亂﹐出餸亂﹗連邊張檯係乜檯號自己都唔知﹐邊個叫乜餸又唔知﹐落左單未又唔知﹐廚房係咪出緊餸又唔知﹐個個做到黑晒面﹐自己做緊乜都唔知... 一句講晒﹐做生意做成咁﹐唉... 算把啦﹗一位先生叫三碗白飯﹐等了又等﹐追了又追白飯都係未嚟﹐結果好大聲咁話﹕"你地係咪咁做嘢㗎?" 鬧完﹐白飯都係未嚟﹐結果大發脾氣大聲鬧﹕"埋單!" 嬲爆爆走咗。樓面搞唔掂﹐追廚房快 D 出餸﹐結果引來廚房阿姐還擊一句﹕去死啦你﹗哇﹗唔怪的 D 食物咁夠火候﹗佩服﹗佩服﹗阿老闆娘又真係唔受得氣﹐見阿先生鬧完﹐又比廚房"dut" 完﹐跟住就响鋪面放聲抱怨﹐話自己 D 夥計唔聽自己支笛﹐足足呻咗成 5 分鐘﹐唔關巨事咁﹐又話最怕俾人鬧... 唉... 俾你岩晒... 又如何﹖另外一位哥哥仔﹐有新客坐低﹐人家要開口叫執檯﹐結果執到自己响出面褒完煙入嚟﹐出埋兩碟餸都未係執﹐人家唔耐煩走埋﹐仲係未又
嗱嗱嗱﹗批評還批評﹐公平 D 講﹐民聲冰室嘅食物質素係有嘅﹗佢嘅豬扒又真係幾鬼好食﹗又夠大碟﹗檸茶奶茶又確實唔錯﹗不過呢....
呢間嘢確實係亂到七彩﹗落單亂﹐出餸亂﹗連邊張檯係乜檯號自己都唔知﹐邊個叫乜餸又唔知﹐落左單未又唔知﹐廚房係咪出緊餸又唔知﹐個個做到黑晒面﹐自己做緊乜都唔知... 一句講晒﹐做生意做成咁﹐唉... 算把啦﹗
一位先生叫三碗白飯﹐等了又等﹐追了又追白飯都係未嚟﹐結果好大聲咁話﹕"你地係咪咁做嘢㗎?" 鬧完﹐白飯都係未嚟﹐結果大發脾氣大聲鬧﹕"埋單!" 嬲爆爆走咗。
樓面搞唔掂﹐追廚房快 D 出餸﹐結果引來廚房阿姐還擊一句﹕去死啦你﹗
哇﹗唔怪的 D 食物咁夠火候﹗佩服﹗佩服﹗
阿老闆娘又真係唔受得氣﹐見阿先生鬧完﹐又比廚房"dut" 完﹐跟住就响鋪面放聲抱怨﹐話自己 D 夥計唔聽自己支笛﹐足足呻咗成 5 分鐘﹐唔關巨事咁﹐又話最怕俾人鬧... 唉... 俾你岩晒... 又如何﹖
另外一位哥哥仔﹐有新客坐低﹐人家要開口叫執檯﹐結果執到自己响出面褒完煙入嚟﹐出埋兩碟餸都未係執﹐人家唔耐煩走埋﹐仲係未又執﹐真係咁忙﹖
我都明白點解間鋪長期都咁多人﹐係咪咁好生意就真係有待相確﹗但我估大部份食客都係坐响到等餸居多﹗真係個個都投訴咁滯﹗
真心個句﹐如果民聲冰室想繼續落去真係要用心去搞搞﹗
天下美食之多﹐競爭之大路人皆知﹐莫講話賺錢﹐若有心生存落去﹐唔該﹗拜託﹗比心機搞好 D﹗免得怨聲再度﹗民聲四起﹗
张贴