火鳳凰火鍋料理 (已結業)

最近仲凍凍地，為咗捉住火鍋嘅尾巴，問朋友有冇好介紹，朋友介紹太平道嘅火鳳凰唔錯，所以今日收工特登嚟試吓店舖入面幾乎所有都係卡位，坐得舒服，而且店內通風系統唔錯，唔會有好大浸味火鍋味火鍋嘅選擇亦唔少，有特色湯底同唔同既手工火鍋配料蒙古麻辣鴛鴦鍋湯底有唔同嘅材料同藥材，麻辣味越食越過癮芫荽豚肉雲吞有香濃嘅芫荽味，皮係水餃皮，食到淡淡既面粉味四寶丸（半份）蝦丸、墨丸、豬肉丸、牛丸各一粒，蝦丸同墨魚丸最出色！爽彈得黎又有蝦味同墨魚味，仲食到蝦肉同墨魚肉魔鬼辣安格斯牛丸（半份）牛丸爽彈又有肉香，比麻辣湯底更辣！鍾意食辣嘅朋友可以挑戰蝦兵遇上老油條（半份）油炸鬼索飽湯汁，加埋蝦滑同蟹子，口感好豐富即炸響鈴將響鈴浸係湯到1-2秒，軟淋得黎又有小小微脆嘅響鈴真係好好食手切美國安格斯雪花牛牛肉肥瘦均勻，雪花紋靚，淥到7分熟，肉質軟淋又有牛香西班牙梅花豚肉片豚肉肥瘦均勻，淥到全熟都唔會有鞋口感覺西洋菜新鮮又大份，抵食紅薯粉寬身紅薯粉放係麻辣湯底，煙煙韌韌嘅口感帶點麻辣香，令人回味