Bougel Cafe (已搬遷) 新店位置

早20-30分鐘打去餐廳度問可唔可以book位，要1點 2位，餐廳職員話可以幫我地hold張bar枱。1點準時去到餐廳坐無虛席，bar枱坐滿人而且係叫左野食，詢問職員時叫我地出餐廳等，我已經覺得奇怪，明明幫我地hold左都坐滿人仲要等？過左5-10分鐘，張大枱既客人走左，職員先叫我地入去大枱坐，我話你地唔係幫我hold左位咩？職員既意思大概就話幫我地upgrade左做大枱，真係多謝哂，都係要同人搭枱，坐bar枱更加有自己既私人空間！代表呢間餐廳根本冇得hold位，否則bar枱就唔會坐滿人，我覺得打電話既時候bar枱的確係冇人，只係中間有walk in客，所以照放人入去。加上職員態度惡劣，大條道理既模樣，覺得自己咁做係冇問題。仲要前面有2枱客，分別1個同2個都可以早過我地入座，即hold左位都冇用，以入餐廳時間為準呢？咁hold位仲有咩意義呢？希望日後想幫襯呢間餐廳既客人最好都係walk in入去，甚至去其他餐廳好過。