East End Brewery (已結業)

喺鰂魚涌啤酒選舉多嘅地方一係 East End Brewery 一係 Frites，East End Brewery 啤酒價錢平 D 又近屋企 D 所以揀咗佢。星期日五六點間餐廳唔爆，同老公坐喺靠窗嘅枱，叫咗每人一支啤酒，一客 fajitas 同一客 burrito。首先到嘅係一籃花生，跟住係兩支啤酒，跟住係等，等，同等。等咗好耐好耐都未見兩碟嘢食，本來諗住應該就嚟架喇，點知再等都係無。叫個侍應去查，結果竟然係：部機無紙，廚房無收到 order ，而家整緊架喇。我罄嘅原因係：1. 一間食肆點可以咁基本嘅嘢都唔留意? 個客叫咗兩碟嘢食點可以唔跟吓, 淨係掛住傾計？ 2. 我見到有個侍應係望過我地張枱，好似係有問廚房，如果你知漏單未整都通知個客啦，要個客問先講？ 3. 問咗，要個客等咁耐，知道咩事喇，你應該負責任，最基本道歉都要啦，無。之前嚟都唔覺服務特別好，今次之後一定唔會再去