Meraviglia Bar e Ristorante (已結業)

呢個天氣最好就係帶小朋友同毛孩出去放電，第一個諗到屋企附近嘅地方就係去科學園。於是我哋揀咗去Meraviglia Bar E Ristorante，去過嘅朋友都知道嗰度簡直係小朋友嘅樂園。我哋帶咗毛孩，女侍應好貼心安排咗戶外一張冇咁曬既枱。一邊享受美食，一邊享受湖景，一邊睇住細路仔玩，一舉三得。通常呢啲親子餐廳都預咗佢可能收得又貴食物又麻麻，但嚟到呢度一定會令你喜出望外，餐包亦好多款式。最推薦既係頭盤嘅白酒煮大蜆配蒜蓉包$288，大蜆好大隻，最重要係無沙，連小朋友都讚好食。另外，我地叫左意式燒走地雞半隻$298，皮脆肉又夠入味。小朋友再點左夏威夷pizza $308，一睇就知自家焗製，皮夠脆，黎到熱辣辣，拉到絲，好味。最後，見到呢到既drink 係organic，叫左2杯mango lemonade $58 唔太甜咁樣悠悠閒閒就食左3小時lunch，好Relax，小朋友又放晒電，