八番麵工房 (已結業)

兩個人假期行北角匯商場，食晏時間，幾間餐廳都有好多食客，於是我哋就落地庫間一田超市內嘅八番麵店食拉麵，座位少，不過見無咩人，我哋就揀咗呢間食啦，兩個人坐4人位，環境都算乾淨，細細間舖，所以店員亦只係得兩個人。我哋叫咗一個豬軟骨野菜拉麵$66，以及極黑野菜叉燒拉麵，亦都係$66，大約等5分鐘就有得食啦，估唔到都幾大份量，湯底又比我想像中濃，味道亦比我預期中好，負責煮拉麵嘅女店員，服務態度亦好好。總結：食客唔多，座位舒適乾淨，無加一服務費，價錢都算合理。