生煎包點心專門店

之前飲茶通常都會喺隔籬商場嘅酒樓飲
但自從試過呢間之後 都寧願黎呢間食點心
呢度點心大大碟 無論蝦餃定燒賣 粒粒足料 大大粒
呢度嘅招牌生煎包 超級大個 基本上每台都會叫 一碟有3大隻 好抵食 仲要有個鐵鍋上 個底脆 入邊係菜肉餡 好味 鮮蝦腸粉大大條 入面有好大隻蝦好足料
雞扎個雞好嫩滑 仲有我最鍾意食嘅炸芋頭 好粉
蒸粉果配埋辣油絕配 又係大大粒 好多餡
另外 豉椒炒麵嘅麵底超脆 好有鑊氣 本來係想叫豉椒魷魚炒麵 但隊友畫錯咗畫咗肉片 好彩都好味
最正最正既就係 完全唔使加一 支持屋村小店

1