美心小品

营业中

休息中

坑口既商場成個迷宮咁，經過左2次先搵到呢間野，個名實在太細啦。落單係門口落，拎左號碼牌同埋野飲，就可以坐番去等食啦。我今次就叫左蕃茄雞排飯，加沙律。沙律比較細份，而且冇咩醬，食落好乾。我就覺得呢個唔係好抵食。而蕃茄雞排飯就好抵食，首先旁邊有一塊多士，多士唔會整到好硬，軟淋淋好易入口。而飯既份量係超級多，估唔到咁大食既我都食唔完。蕃茄味好濃，啖啖都係蕃茄汁加飯，所以個飯比較濕。而睇到其他朋友仔食既飯面，都係比較濕，所以如果唔鍾意咁多汁既朋友可能唔太岩食呢間啦。講開又講呢間鋪頭叫美心小品，唔知係唔係美心集團旗下既呢。