本家韓國料理

营业中

休息中

印象中本家喺韓燒嚟講算係早開，老闆娘係個韓國阿姨，食物都好有媽媽的味道，非常正宗。我覺得佢最開心係有白膳韓燒，貴係貴啲不過出面少啲見。韓國泡菜方面，我比較鍾意新鮮醃嘅泡菜，冇嗰陣發酵太耐嘅酸餿味，偏清甜辛辣係最好食嘅。所以我好滿意呢度嘅泡菜，都食得出係自己親手做。韓國人就係好多side dish ，啲小菜花款都幾多。肉類方面牛小排護心肉等等都相當唔錯，肉質好又多汁。同埋食韓燒我最鍾意就係送막걸리（米酒），係一隻酸酸甜甜好似酒釀咁嘅飲料，既解膩又解渴。呢度嘅米酒係用個瓦煲仔裝住，每人一隻碗舀嚟飲，好有style 。