龍鳳號 (已結業)

最近想食台菜，見呢間餐廳既款式好似好正宗就上咗黎試下。宜蘭葱肉煎餅，名過其實，食落皮有啲硬加上葱味唔夠香。同我係宜蘭食既三星葱煎餅都有相當大既距離。試完個煎餅，試呢個古早味肉燥飯反而有驚喜，肉非常入味，加上唔會太肥，真係可以一解思念台灣之情。傳統黑糖刨冰，黑糖味唔夠重，食落我覺得啲冰冇乜味，不過芋圓都幾煙韌有咬口，美中不足就係成碗個味道比較淡。總括黎講，呢間台菜比較普通，坊間都有好多比佢出色既台菜可以選擇。不過如果咁岩經過，又好想食台灣野既都可以試下。