東南加 (麗港城商場) (已結業)

今日晏晝去麗港城食嘢，試下未去過嘅東南加先，入到去午市嚟講算幾多位，佢對面間魚米坐爆曬，環境其實幾好。望下個餐牌，五十幾蚊一個餐，有餐湯有野飲都幾唔錯丫。餐湯選咗中湯，個湯嚟咗我覺得好飲又夠熱，但一咬個餐包...嘩，我無再食喇，好難食下，感覺好唔新鮮....兩個飯嚟咗，賣相幾靚下，但朋友話佢個咖哩飯唔熱嘅...我就無咩所謂，海南個飯唔熱我ok嘅，但我食落覺得好乾同唔香，唔算係好食嘅海南雞飯。整體最係個湯，跟住係個嘢飲，唔係好差但又無咩點想再嚟嘅感覺喇...