羅勇泰國粉麵 (已結業)

因某雜誌報道而去試一下，但比較失望。二人叫了 什錦麵 海南雞飯 泰式咖啡 同 青檸紅茶。海南雞飯同平時係餐廳食既差唔多，連埋一碗椰子雞湯，雞湯唔錯，起碼飲完唔口渴。羅勇什錦麵，個湯好大陣滷水味，但食落係無味，自己再落埋嗰4種調味料，都係得啲調味料既味，啲丸都好食既，個河粉就痴埋一舊舊，份量少，男人食唔夠飽。咖啡唔會話好甜，但唔香咖啡味，而青檸紅茶就好似係泰國飲既檸檬茶少甜版。食過一次唔會再食了。