影片
更多
2021-12-05
628 浏览
好味指數😋😋😋回頭指數 ⭐️⭐️開心指數🤗🤗🤗之前假日試過去深水埗尋找慢活之旅失敗，今日再勇闖多一次呢個文青 cafe 集中地！今次比起上一次早去，11點幾就到，希望可以搵到一間舒舒服服又可以 hea 下咁食個 brunch！路經呢一間 cafe，係一間木系以茶為主嘅 cafe，店外有架單車裝飾，望到入面冇咩人，好舒服咁，就決定入去試下！職員解釋因為係繁忙時間，每個人要消費$85，冇問題就點咗食物飲品俾埋錢先再搵位坐！佢嘅主食有3款，有意粉 / 飯 / 日式飯糰，見到食物價錢偏貴，個意粉要$138，所以我哋決定點一款主食 share，響度 hea 完後再去第二間唔係 cafe 類食返D 飽肚嘢😂 另外仲有蛋糕，飲品方面有花茶、梳打、冷泡茶同一款cold brew 咖啡！店內檯唔多，有一個角落 decor 似日式木系家居嘅榻榻米小茶几，有個書架同放咗D乾花，感覺好舒服，要除鞋上去嘅；之後見到有個鋼琴，再發現有條木樓梯，上到去有一張梳化同埋幾張檯比較闊嘅空間，主要坐地墊，都係要除鞋嘅，有一個角落有D畫咗公仔嘅木盒做display，我同朋友揀咗坐樓上！食物飲品會有職員送上嚟！🍴日式飯糰餐（$10
回頭指數 ⭐️⭐️
開心指數🤗🤗🤗
之前假日試過去深水埗尋找慢活之旅失敗，今日再勇闖多一次呢個文青 cafe 集中地！今次比起上一次早去，11點幾就到，希望可以搵到一間舒舒服服又可以 hea 下咁食個 brunch！
路經呢一間 cafe，係一間木系以茶為主嘅 cafe，店外有架單車裝飾，望到入面冇咩人，好舒服咁，就決定入去試下！職員解釋因為係繁忙時間，每個人要消費$85，冇問題就點咗食物飲品俾埋錢先再搵位坐！
佢嘅主食有3款，有意粉 / 飯 / 日式飯糰，見到食物價錢偏貴，個意粉要$138，所以我哋決定點一款主食 share，響度 hea 完後再去第二間唔係 cafe 類食返D 飽肚嘢😂 另外仲有蛋糕，飲品方面有花茶、梳打、冷泡茶同一款cold brew 咖啡！
店內檯唔多，有一個角落 decor 似日式木系家居嘅榻榻米小茶几，有個書架同放咗D乾花，感覺好舒服，要除鞋上去嘅；之後見到有個鋼琴，再發現有條木樓梯，上到去有一張梳化同埋幾張檯比較闊嘅空間，主要坐地墊，都係要除鞋嘅，有一個角落有D畫咗公仔嘅木盒做display，我同朋友揀咗坐樓上！食物飲品會有職員送上嚟！
🍴日式飯糰餐（$108）
呢個飯糰餐有兩個飯糰，另外可以從5款小食入面揀兩款！我揀咗抹茶蕨餅同北寄貝沙律！嚟到時見到非常精緻，飯糰上面有一大粒日式沙律醬，一啖咬落去幸福感飆升（個人好鍾意食日式沙律醬），飯糰入面有三文魚，咬完一啖後個飯糰開始散開，要改用筷子夾嚟食！蕨餅嘅抹茶味濃度啱啱好，夠煙韌！北寄貝沙律偏鹹，一般！另外生果有士多啤梨同藍莓！呢個飯糰餐係有少少特色，不過份量上就唔係飽肚系嘅！
🍴洛神花茶（$60）/ 茉莉蜂蜜花茶（$60）
花茶用木盤裝住，有一小碟蜂蜜另外上，可以自行調配甜度！兩款花茶正常冇咩驚喜！如果要無限加熱水（+$20）
🍴Cold Brew ($45)
鍾意咖啡嘅我哋，飲完花茶，就試埋佢嘅 cold brew，佢都係用木盤上，個 cold brew 樽幾靚，size 就有少少細，咖啡係帶少少酸味，入口好順滑，有少少回甘味！
可能時間尚早，我哋慢慢嘆慢慢 hea 咗一個幾鐘先開始多人，整體環境好舒服亦都幾 relax！不過因為店內好多地方係要坐地下同埋要除鞋嘅關係，未必每個人都咁鍾意同埋會覺得舒服，如果女仔諗住著短裙打卡就未必啱，而我哋都冇揀樓上梳化位，因為同張檯嘅高度唔太啱，飲嘢都 okay 嘅，食嘢就唔好啦！個人因為都幾習慣坐地下嘅關係，所以寧願坐地下而且自己都覺得坐得舒服嘅！
雖然天時地利人和關係下滿足到我慢活 hea 感，不過講真，呢間 cafe 係比較啱打卡，食物同飲品 presentation 係靚嘅，但價錢偏高，質素又唔太突出，只屬正常，性價比唔高；服務方面呢，女職員就冇咩笑容表情嘅（感覺幾 cool），但有個男職員就幾好笑容嘅～ 暫時未覺得會勁想回頭，但又未至於會剔除佢嘅～
张贴
