漁樂 (曼坊)

营业中

休息中

今日諗住外賣自取，揀咗呢間離屋企都幾遠嘅漁樂試吓，食東南亞泰式嘢，我揀咗佢嘅鮮蝦喇沙。個人而言，我鍾意食椰汁湯底味重啲嘅喇沙，但我知道最正宗嗰隻應該唔會係椰汁味太重。食物回到家，我急不及待打開盒子，首先要試嘅係佢嘅湯底， 唔知係好彩定唔好彩，佢係比較正宗嘅喇沙湯底，即係辣味酸味重啲，但係椰汁味較少。要注意嘅係，好多人會將喇沙同冬陰功湯底撈亂，如果個湯底係酸味辣味較重嘅多數係冬陰功。講到食喇沙湯底，我都會係期望佢椰汁🥥味重啲。不得不提及佢嘅鮮蝦，鮮蝦嘅份量都頗多，大約有七隻，雖然蝦嘅體積唔係超大，但我覺得細細隻，佢又幫我開埋邊都幾容易食的。麵條方面，佢都係用咗正宗喇沙嘅油麵，十分飽肚。總括而言，鍾意食東南亞風味重嘅喇沙湯底朋友們可以一試。