三分俗氣 (已結業)

基本上呢中午嚟呢度一定係滿咗，呢度嘅上海菜係同區裏邊比較少有嘅，亦都算正宗。午餐的話四五十蚊就搞得掂一個set. 所以平日都好多打工仔嚟呢度食飯。附近嘅工廠區域比較多返工人士，個人比較推介食小籠包同埋擔擔麵。擔擔麵味道比較好同濃。 小籠包個人覺得拍得住翡翠拉麵小籠包。同事就覺得排骨菜飯都唔錯可以一試，而且價格比較實惠。環境亦都寬敞因為佢有兩層。同一大班朋友同事嚟食就岩曬。晚市亦都好多選擇。來到新蒲崗嘅朋友一定要試一試呢間上海菜，而且員工都好有禮貌。