NINETYs (些利街) (已結業)

成日經過中環大館附近都會見到依間餐廳每一次經過都會有一陣香濃嘅咖啡味，搵一日放假嘅時候同朋友一齊去食個下午茶同埋飲杯咖啡餐廳嘅環境真係好舒服特別係下午嘅時候唔算太多人傾偈飲杯嘢真係好適合我就叫咗一杯latte 朋友就叫咗一杯mocha ，好欣賞餐廳對於咖啡嘅執着同埋熱誠無論係咖啡豆定係咖啡嘅濃度都可以選擇，我個杯嘅咖啡飲落去好香滑好順口偏酸，係我鍾意嘅口味嘢食方面我哋就叫咗兩款食物，餐廳主打嘅食物都係比較天然同埋有機，仲有素食可以選擇添我哋揀咗一款水波蛋配羽衣甘藍嘅多士，同埋一個pork belly ，整體來講食物嘅味道真係唔錯，份量上比較精緻女仔食嘅話可能份量就會啱啱好，如果肚餓嘅時候可能就要叫返個飯或者意粉比較適合不過我哋今次都係想飲杯野坐低傾吓計，所以餐廳嘅環境都幾舒服幾適合，有時喺餐廳度做下野飲下咖啡其實都幾chill