UFUFU CAFE (Tower 535) (已結業)

放假出左銅鑼灣行假，就去醫肚先，等緊過馬路之際，抬頭先見個玻璃上面有個有趣嘅圖案，原來係UFUFU CAFE嘅logo黎，比你吸引左，就去嚐下新先🤭佢嘅lunch可以加錢轉set，可以喺湯、沙律、飲品，入面揀兩樣或者三樣，我就揀左湯同飲品啫，因為見佢menu上面嘅甜品好吸引，要留肚食甜品呀⭐️是日餐湯蘑菇湯，熱辣辣，飲落好creamy，有蘑菇碎，口感豐富⭐套餐飲品加左錢轉佐賀溫州柑梳打，柑味清新，唔會太甜👍⭐吉列松葉蟹漢堡伴碟嘅沙律好新鮮，仲有蕃茄角，加埋個酸酸地嘅沙律汁，又開胃，又解膩至於漢堡方面，除左松葉漢堡，入面仲有食落有口感，但係唔辣嘅洋蔥絲😍、青瓜、生菜，仲有佢個醬好鮮味，仲撈左點點蟹籽係入面🤤而松葉漢堡入面一絲絲蟹肉，除左外面嘅炸皮，食唔出多餘嘅粉醬，真材實料，好出色⭐八女抹茶芭菲第一啖入口，好軟滑，好香抹茶味，微甜，之後就有抹茶嘅甘味，食落嘅味道層次鮮明，之後繼續食落去就係抹茶味雪糕，食下食下就食到粒甜甜嘅栗子😋、啫喱、紅豆，仲有大大舊嘅蕨餅😍，第一次食蕨餅係唔跟黃豆粉，li個配搭仲正😋好有新鮮感個面仲有塊朱古力添，本身唔會食，因為覺得li d朱古力牌會好甜，今次唔知那來的