影片
更多
2021-05-31
180 浏览
見好多人推介食鐵牛，所以同朋友喺旺角就黎左食。一入到黎唔洗排隊，幾surprise！我哋幾個嗌咗唔同餐。逢甲鹽酥雞滷肉便當 （$59 ）呢個真係好抵食！食到滷肉飯之餘，仲可以食到髯鬚雞，一次過可以滿足晒你兩個願望！而且份量亦都相當不錯，比起完全食唔飽嘅牛肉麵更值得食。鹽酥雞非常香脆，雖然有人話唔夠鹹，但我覺得啱啱好，如果再鹹啲就會太過味精。而滷肉飯方面，我覺得啲滷肉有啲唔夠，未可以足夠每一啖都食到相當份量嘅滷肉，但味道來說就不過不失。呢個飯更重要嘅係，有菜！雖然份量少，但總好過冇，而且加埋其他配菜，呢個便當都非常豐富！可以品嚐到唔同滋味，$59來講非常抵食。洛神甜醋雞肉便當 （$65 ）基本上就係喺啲鹽酥雞上面加多pat洛神甜醋，仲要少咗個滷肉，然後就貴咗$6，完全唔明個價錢係點樣set。但本人覺得個甜醋同啲雞唔係好夾，食落去係有啲酸酸甜甜感覺，唔係好啱我口味，而且啲甜醋會浸冧左啲鹽酥雞，已經完全冇咗鹽酥雞嘅精髓，所以不推介！蔥燒豬軟骨肉燥乾拌麵 （$64）一拎到碗野，我完全搵唔到啲豬軟骨喺邊😂完全細粒同埋小到真係唔係好見得到，二$64個價錢來講，真係好唔抵食！比較好彩嘅就係，佢呢個拌
逢甲鹽酥雞滷肉便當 （$59 ）
呢個真係好抵食！食到滷肉飯之餘，仲可以食到髯鬚雞，一次過可以滿足晒你兩個願望！而且份量亦都相當不錯，比起完全食唔飽嘅牛肉麵更值得食。鹽酥雞非常香脆，雖然有人話唔夠鹹，但我覺得啱啱好，如果再鹹啲就會太過味精。而滷肉飯方面，我覺得啲滷肉有啲唔夠，未可以足夠每一啖都食到相當份量嘅滷肉，但味道來說就不過不失。呢個飯更重要嘅係，有菜！雖然份量少，但總好過冇，而且加埋其他配菜，呢個便當都非常豐富！可以品嚐到唔同滋味，$59來講非常抵食。
洛神甜醋雞肉便當 （$65 ）
基本上就係喺啲鹽酥雞上面加多pat洛神甜醋，仲要少咗個滷肉，然後就貴咗$6，完全唔明個價錢係點樣set。但本人覺得個甜醋同啲雞唔係好夾，食落去係有啲酸酸甜甜感覺，唔係好啱我口味，而且啲甜醋會浸冧左啲鹽酥雞，已經完全冇咗鹽酥雞嘅精髓，所以不推介！
蔥燒豬軟骨肉燥乾拌麵 （$64）
一拎到碗野，我完全搵唔到啲豬軟骨喺邊😂完全細粒同埋小到真係唔係好見得到，二$64個價錢來講，真係好唔抵食！比較好彩嘅就係，佢呢個拌麵又唔算真係好乾，但同樣啲肉燥完全唔夠撈，食落去啲味好寡，基本上係冇乜味，我諗呢一個餐嘅賣點係碗湯？因為嗌左咁多個set得佢一個有湯，但碗湯其實好味精，所以呢一個都係唔推介！
總括而言，如果大家真係想食呢一間野嘅話，我諗得逢甲鹽酥雞滷肉飯便當係食得過，其他可能都會令你有少少失望🥲
张贴
