正點心 (已結業)

近排愛上飲樽仔奶茶, 網上見到美孚有間食材店有賣我想飲既牌子, 所以今日就去踫下運氣(問過店員, 佢地回應無得訂貨)。之前去過深水埗一間人氣非常旺既食材店睇過, 買唔到。今日🥠好幸運呀, 買到仲見佢有好多現貨添。因為咁, 我地就順便係附近搵餐廳食飯, 搵左呢間係美孚綜合排名第二既食店。係未講食物既味道之前, 好想講既係正點心既衛生狀況都真係幾差。不嬲出街食飯我都唔會(唔敢)周圍👀望, 眼不見為乾淨, 因為見到D地方污糟真係好影響情緒, 唔想成餐飯心不在焉影響埋一齊食飯既朋友們。所以咁都可以比我發現到有唔衛生既地方即係代表間餐廳真係幾污糟下。強烈建議正點心最少每日抹一次🪟窗同換過D茶壺!我地點左招牌蜜汁叉燒包, 順德脆脆雙皮奶卷, 花膠海皇灌湯餃同珍菌濃湯鮮竹卷。順德脆脆雙皮奶卷 - 應該係用左白麵包做外皮, 頗酥脆, 鮮奶內餡不多, 不太甜。招牌蜜汁叉燒包 - 麵包不錯, 尚算鬆軟, 但同樣內餡不多同無咩味。花膠海皇灌湯餃 - 湯底清澈鮮甜, 但水餃皮個頂好硬。珍菌濃湯鮮竹卷 - 原來我地叫左兩個相似既點心, 同灌湯餃一樣湯底不錯, 而我更愛鮮竹卷, 因為成塊腐竹都可以食到, 去親食點